Протестот почна од паркот во Чаир, но пред Мавровка бројни полициски сили и окопни транспортери ги запреа демонстрантите.

Објавил: Рејхан Бајрами | 26 февруари, 2021 16:55

СЕДУМ ПОЛИЦАЈЦИ ПОВРЕДЕНИ НА ПРОТЕСТОТ ПРОТИВ ПРЕСУДИТЕ ЗА „МОНСТРУМ“

Фото/Текст извор: ©магазин.мк

По три часа тензии, заврши протестот за случајот „Монструм“. Дел од демонстрантите, меѓу кои и десетина лица со качулки на главите, останаа и понатаму да го каменуваат полицискиот кордон кој го запре протестниот марш кај поранешната стоковна куќа „26 јули“ на скопски Бит пазар и не им дозволи на неколкуте стотини демонстранти да го продолжат најавениот марш до Кривичниот суд, па до Собранието и до Владата, пренесе Радио слободна Европа!

Протестот почна од паркот во Чаир, но пред Мавровка бројни полициски сили и окопни транспортери ги запреа демонстрантите.

Тие побараа полицијата да се повлече, по што дел од нив почнаа да ја каменуваат полицијата, но беа запрени од обезбедувањето на протестот. Каменувањето на полицијата се случуваше во неколку наврати, при што биле повредени тројца полицајци и интервенирала брзата помош. Нападнати биле и неколку новинари и камермани на должност.

Демонстрантите на штитовите на полицајците залепија постер со ликовите на Бранко Црвенковски, Никола Груевски, Зоран Заев и Али Ахмети и со натпис „Криминална влада на Македонија“. Тензиите и каменувањето на специјалците продолжија, па полицијата ги потисна демонстрантите кон Бит пазар.

Претходно, на протестот дојдоа и пратеникот на Алтернатива, Скендер Реџепи и поранешниот пратеник и поранешен припадник на ОНА, Хисни Шаќири, кои на албански разговараа со дел од демонстрантите.

Демонстрантите залепија постер „Криминална влада на Македонија“ на штитовите на полицајците од кордот што го запре протестниот марш

По неколку тензични обиди за директен физички судир со полицијата, организаторот прогласи крај на протестот, но голем дел од демонстрантите останаа и повторно ја каменуваа полицијата.

Кратко потоа демонстрантите почнаа да заминуваат.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Инциденти

Непознати сторители го оштетиле возилото и со цигли ги искршиле стаклата. Покрај тоа, бил провален автобусот и биле украдени личните работи на патниците и на возачите кои биле оставени во возилото.

НЕВИДЕН СРАМ: Во Скопје каменуван и ограбен српски автобус со руски туристи

Туристички автобус на српски автопревозник, кој превезувал руски туристи, бил каменуван...

Од месната заедница Галичник соопштија дека пожарот избувнал над хотелот „Неда“, а за состојбата известени се надлежните органи.

Голем пожар беснее над Галичник, испратен е хеликоптер за гаснење на огнот

Голем пожар избувна попладнево над Галичник. Според информациите, зафатена е борова...

Од МВР за Сител велат дека полицијата интервенирала поради загрозување на здравјето на граѓаните во услови на глобална пандемија.

Вевчани и Вевчанци беа нападнати од сопствената власт

И покрај апелите од надлежните, вевчанци не се откажаа од одржување на традиционалниот...