Во колумна за бриселскиот портал Еурактив, претседателот на Алијанса за Албанците, Зијадин Села вели дека Претседателот на Македонија нема право да изјави дека на земјата „не и треба на ЕУ“ доколку треба да ги исполни условите на Бугарија во однос на јазикот, затоа што Македонија го прави истото со своите етнички албански граѓани.

Зијадин Села е пратеник и лидер на Алијансата за Албанците, централно-десничарска политичка партија основана во Македонија во 2015 година. Тој претходно беше градоначалник на Струга, пренесува прес 24.

Села ја искоментира изјавата на претседателот Пендаровски во врска со јазикот. Рече дека не е возможно во 21 век некој да даде таква изјава.

„Кога за прв пат го прочитав тоа, се вратив на тој текст два или три пати. Не можев да верувам дека во 21 век, некој би можел да негира дека нивниот јазик е кодиран и практикуван со децении.

Ако цената е дека не треба да биде македонски јазикот што го зборувам, тогаш не ни треба ЕУ, “рече претседателот наМакедонија, Стево Пендаровски, во ТВ-интервју на 1-ви мај, коментирајќи ја изјавата на Бугарија, анексирана на заклучоците на Советот на ЕУ од 26 март за започнување на разговорите за пристапување во ЕУ со Северна Македонија.

Емотивната реакција на претседателот Пендаровски на бугарската условеност на македонскиот јазик е разбирлива од политичка гледна точка. Сепак, исто така е многу неодговорно кога станува збор за нашиот државен интерес и е неискрено кон граѓаните на Северна Македонија, додава Села.

Според Села, потврдувањето на статусот на македонскиот јазик во ЕУ и тој на албанскиот во Северна Македонија и во ЕУ, е совршена можност да се демонстрира суштинскиот придонес на јазичната разновидност во европскиот проект, кој е изграден врз мотото „обединети во различностите“.