Вардар одигра моќни 30 минути против Веспрем во финалето од Лигата на шампионите, македонскиот тим води со 16:11 по првото полувреме.

Македонскиот ракометен шампион Вардар има моќен и ефикасен напад и цврста одбрана, во првото полувреме сè функционира како што треба.

Фантастичниот натпревар во почетокот беше изедначен и се играше гол за гол до 4-4, а потоа нашите шампиони почнаа да доминираат. На крајот македонскиот тим има водство од пет гола разлика, а во еден момент водевме и со шест.

Перфектна, агресивна одбрана на вардар, креативен напад во првото полувреме, најчесто преку пикерите кои беа незадржливи за Веспрем и Миклер, па предноста од два се зголеми на 8:5, односно 9:6.

Рожерио Мораес е најефикасен со четири гола, Милосављев има пет одбрани во првиот дел.

Македонскиот ракометен првак и шампион Вардар, игра вечерва за нова европска титула во Лигата на шампионите, а од трибините има поддршка од првиот човек и се уште единствен финансиер Сергеј Самсоненко.