Се бележи пад на бројот на заразени во последните недели, а со тоа здравствените власти се надеваат дека доаѓа и крајот на четвртиот бран од коронавирусот.

За олабавување на мерките потребен е колективен имунитет.

„Доколку добиеме резултати кои што се позитивни, односно над 70% од имунизацијата вкупна во држават тогаш во тој случај може да кажеме дека веќе почнуваме со олабавување, односно олеснувања за нормално функционирање на нашите граѓани.“, вели министерот за здравство Беким Сали.

А колку далеку сме од колективен имунитет ќе покажат резултатите од скринингот кој се спроведува. 3.000 тестови низ Македонија, од кои 1.000 во Скопје. Во Битола се чекаше ред за тестирање, граѓаните велат дека бесплатниот тест е одлична можност која треба да се искористи.

Во однос на скринингот во училиштата од Министертвото за задоволни од одзивот.

„Она што го забележуваме моментално, е дека повеќето држави држат настава со редовно, односно нема онлјан, но за да бидеме релевантни и да не настанат некои штети по нашите деца сепак овој скрининг ќе ја покаже вистинската насока во која се движиме.“, вели Владимир Рендевски, заменик министер за здравство.

„Ние сме позитивно изненадени. Во текот на вчерашниот ден добивме 4.000 одобренија од родители за да се направи скрининг анализи со тестирање на деца кои што се на школска возраст. Нас ни беа потребни околу 1.000.“, рече Сали.