По вчерашниот силен земјотрес во соседна Албанија со јачина од 6,6 степени според Рихтер целиот Балкан е на помош. Во текот на вчерашниот ден серија од 60 земјотреси ја погоди Албанија која е завиена во црно и жали по над 25 те загинати кои не можеа да се спасат од под урнатините. Драч е речиси срамнет со земја, глетката е страшна, се уште пристигнува помош и се трага по преживеани. 

Македонските пожарникарски херои целата ноќ работеа на терен и трагаа по преживеани луѓе по страотниот земјотрес кој вчера рано утрото ја погоди Албанија, а беше почувствуван на целиот Балкан.

Во вчерашниот силен земјотрес загинаа најмалку 25 лица

Македонија се крена на  нозе и испрати тим од 41 лице, од кои 35 припадници на Републичките сили за заштита и спасување специјализирани за спасување од урнатини, двајца водичи со кучиња од МВР за пребарување на теренот и четири лица од Црвениот Крст на РМ се испратени во Албанија заради справување со последниците од силниот земјотрес, кој изутрината ја погоди земјата.

На вчерашната седница и Владата донесе одлука да се издвојат шест милиони денари како првична финансиска поддршка за санирање на последиците од земјотресот во Република Албанија, а општина Чаир реши да помогне со 12 илјади евра.

Вчера скопскиот градоначалник Петре Шилегов на социјалните мрежи напиша дека екипите на Град Скопје се пристигнати во Драч и ставени на располагање на надлежните служби во Албанија, после силниот земјотрес во кој загинаа најмалку 20 лица.

Екипите на Град Скопје се пристигнати во Драч и ставени на располагање на надлежните служби во Албанија, соопшти вечерва градоначалникот на Скопје, Петре Шилегов.

„Таму се веќе и нивните колеги од Италија. Заеднички ќе се обидат да спасат што е можно повеќе животи. Истовремено, Ве повикувам, секој во рамките на своите можности да помогне на веќе објавените сметки на Црвениот Крст. За човечки животи се работи. Да помогнеме сите заедно !!!“ напиша Шилегов.

Пратеникот од ВМРО ДПМНЕ Влатко Ѓорчев целиот ден го помина во Албанија каде помагаше на екипите.

Целиот регион дојде на помош, секако во неволја се познава пријателот.

Хрватската владата вчера донесе одлука да испрати хеликоптер на хрватската армија во Албанија, која беше погодена од серија моќни земјотреси, заедно со специјализиран тим за спасување од урнатините.

Силниот земјотрес се почувствува на целиот Балкан но и во Скопје. Тажна е сликата и помислата на катастрофалниот скопски земјотрес од кои стравуваат ѓраѓаните. По вчерашниот силен земјотрес кој беше појак од оној кој го сруши Скопје за земја, граѓаните останаа без сон, и се молеа никгаш да не се повтори онаа 1963 година.

Никогаш да не се повтори Скопскиот земјотрес кој се случи на 26 јули 1963 година во 5:17 часот.

Скопје било разурнато од земјотрес со 9 степени по Меркалиевата скала (6,1 според рихтеровата сеизмичка скала) кој траел 20 секунди, а помали потреси имало до пет часот и 43 минути.

Тоа утро животот го загубија од 1.000 до 1.100 жители ги загубиле животите, а најмалку 3000 лица биле повредени.

Бројот на лицата без дом бил 200.000. Земјотресот од 1963 е еден од најкатастрофалните природни непогоди во Скопје и Македонија.

Скопскиот земјотрес се почувствувал на простор од околу 50.000 квадратни километри, низ долината на реката Вардар. Од потресот биле урнати 15.800 станови, а оштетени 28.000. Над 200.000 луѓе остана без покрив над глава. Под урнатините животот го загубиле 1.070 негови граѓани, биле повредени над 4.000 граѓани.

По земјотресот градот почнал да се гради по урнек по проектите на Кензо Танге и Адолф Циборовски. Старата железничка станица денес е Музеј на Град Скопје и претставува симбол на големиот земјотрес. Часовникот на станицата е засекогаш сопрен на фаталните 5 часот и 17 минути изутрина.

Првата помош за граѓаните на Скопје дошла од војската и граѓаните на тогашните југословенски републики и неколку дена по земјотресот започнала да пристигнува и помош и спасувачки екипи од целиот свет. Точно 87 нации од светот испратиле некаква помош во Скопје кои помогнале тој да се изгради повторно, поради тоа градот го носи и епитетот „град на солидарноста“.

Во Скопје, за првпат во времето на Студената војна меѓу капиталистичкиот запад и комунистичкиот исток, се сретнале американски и советски воени сили кои заеднички им помагале на скопјаните.

Непосредно по земјотресот, претседателот на СФРЈ, Јосип Броз – Тито, изјавил:

Скопје доживеа невидена катастрофа, но Скопје повторно ќе го изградиме. Тоа ќе стане гордост и симбол на братството и единството, на југословенската и светската солидарност.