Силно невреме ја зафати Македонија, и ќе се задржи до четврток соопшти УХМР. Периодот на нестабилно време ќе донесе пороен дожд а на некои места и град, во попладневните и вечерните часови. Невремето ќе биде проследено со засилен ветер и грмежи.

Локално процесите ќе бидат поинтензивни во форма на невреме со обилен дожд, силен ветер и појава на град.

Минималната температура ќе се движи од 11 до 19, а максималната од 27 до 34 степени Целзиусови. УВ индексот ќе изнесува седум.

Во Скопје, ќе биде сончево со мала до умерена облачност, попладне нестабилно со пороен дожд, грмежи и засилен ветер со температура од 17 до 32 степена.

Силното невреме вчера ја зафати  Струмица, Струга, Берово, Демир Капија, а поројни дождови имаше и во Скопје.