Не запираат реакциите, претседателката децидна

Објавил: Калина Мартинска | 13 јуни, 2024 21:53

Силјановска Давкова: Не мислам дека го кршам Уставот, ниту меѓународното право, имам право да се изразувам, така како што тоа го правам

Фото/Текст извор: ©magazin.mk

Заклетвата без придавката „Севeрна“ не се коси со меѓународното право, категорична е претседателката Гордана Силјановска Давкова.

На денешниот Самит во Скопје, одговарајќи на новинарко прашање, кажа дека не го прекршила Уставот, а дека со шефот на грчката дипломатија воопшто не била отворена темата за името.

Темата околу употребата на уставното име не била отворена со грчкиот министер за надворешни работи Јоргос Герапетритис на денешниот Самит на земјите вклучени во Процесот за соработка во Југоисточна Европа (ПСЈИЕ) што се одржува во Скопје, изјави претседателката Гордана Силјановска на заедничката прес-конференција со нејзините колеги од Црна Гора Јаков Милатовиќ и од Албанија Бајрам Бегај.

– Не беше отворена темата. Седевме еден до друг. Многу сум задоволна што дојде. Оставивме простор бидејќи му доцнеше летот, да се обрати како последен. Пораките му беа регионално обоени, дека треба да си помагаме, да градиме владеење на правото, да го почитуваме меѓународното право, дека треба да продолжиме таму каде што имаше многу јасни определби на Солунскиот самит. Тоа беа разговорите. Мислам дека атмосферата беше пријатна, пријателска, беше и заменик министерката за надворешни работи, со која се познаваме. Милам дека луѓето од Балканот кога е потребно умееме да се разбереме. Многу сум задоволна особено поради целосно усогласената декаларација која беше усвоена, рече Сиљановска Давкова.

Прашана дали очекува ако ја продолжи праксата со употребата на името на државата, да дојде до блокада од Грција и повлекување на поддршката за приклучувањето во ЕУ, како и евентуално други последици, претседателката кажа дека „не мисли дека го крши Уставот, и оти неупотребувањето на уставното име може да предизвика проблеми“.

– Да потсетам, моите документи, тие што ги потпишувам, тие што ги поседувам, пасош, лична карта, сите документи кои излегуваат од кабинетот се со уставното име. Тоа е во рамки на меѓународното право и во рамките на Уставот. Точно е дека секоја изјава на луѓето од политиката, од оние кои се на функции се толкува како да е официјален чин, но секој од нас има, како јин јанг две лица, едно офцијално и едно друго. Јас како човек имам право, повторувам од Сократ до денеска, во рамки на слободата и мислата, слободното изразување на мислата, да се изразувам така како што тоа го правам и не мислам дека тоа е кршење ниту на Уставот ниту на меѓународното право, истакна Сиљановска Давкова.

Во продолжение дел од пораките на Силјановска Давкова испратени од самитот во Скопје, на кој таа беше домаќин.

 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.