Професорката Гордана Силјановска Давковска на својот Фејсбук профил постави отворено прашање до Власта, дали е време да се биде само сведок на настаните или пак да се биде целосно одговорен и активен учесник во донесувањето на одлуките за сегашноста и иднината на Македонија.

Нема промени на подобро без визија и одговорно лидерство, нема европски вредности и реформи без знаење, стручност и компетентност, нема развој без стратегија и стратези, нема национално единство без дијалог и меѓусебно разбирање, нема чекорење напред со згазено национално достоинство, пишува професорката на „Фејсбук“.

Гордана Силјановска-Давкова е родена на 11 мај 1955 година во Охрид — македонски универзитетски професор и правник.

Основно и средно образование завршила во Скопје (1973). Дипломирала на Правниот факултет во Скопје (1978), каде што и магистрирала. Докторирала пред комисија предводена од проф. Франц Град со „Cum laude“ на Правниот факултет во Љубљана, на тема „Local Selfgovernment – between Norms and Reality“ во 1994.

Била избрана за асистент по предметот политички систем на Правниот факултет во Скопје (1989), за доцент по уставно право и политички систем (1994), а потоа и за редовен професор во 2004. Била член на Уставната комисија на Собранието на РМ (1990-1992) и министер во Владата на РМ (1992-1994). Експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија. Автор е на стотина научни трудови за уставното право и политичкиот систем.

На конвенцијата на ВМРО-ДПМНЕ која се одржала во Струга, Гордана Силјановска-Давкова била избрана за претседателски кандидат.