Три до четири деца се заглавени во рушевината каде што интервенираат екипи на пожарната од Град Скопје и екипи од Турција. Командир Владимир Симоновски зборува ексклузивно за ТВ21.

„Ова е критична точка, со екипи од Турција се обидуваме да ги поместиме трите плочи кои се паднати една врз друга. Се претпоставува дека тука има три-четири деца кои се затрупани под рушевините“, вели Симоновски во изјава за ТВ21 во Драч, Албанија.

Багерите на терен, се уште се расчистуваат урнатините по разорниот земјотрес јавува репортерот на ТВ21 од Драч, Албанија.
Екипата на ТВ21 се наоѓа во Драч.

Во Драч пристигнати се екипите од нашата земја кои со термален дрон ќе пребаруваат луѓе од под урнатините.

Во земјотресот со јачина од 6.4 степени загинаа најмалку 16 лица, а повредени се повеќе од 600 лица. Спасувачи од Балканот се приклучија во акцијата за потрага по преживеани, под зградите и објектите кои се урнаа при силниот потрес.

http://https://www.youtube.com/watch?time_continue=105&v=owh_Fy1HAvI&feature=emb_title