
Македонија
Вести
Синдикатот на УПОЗ бара средба со владата за да продолжи дијалогот за исплаќање на додаток на плата од 30% за администртивциите. Подготвени се да седнат на маса со премиерот да се најде заедничко решение откако Министерството за финасии даде негативно мислење за склучување на колективни договори. Доколку не добијат повратен одговор за средба, најавуваат радикализација на протестите и тужби.
„Овие денови се начитавме декларативни соопштенија од Владата преку кои нѐ канеа на средби преку вас медиумите, а ние формално не добивме никаква покана за водење дијалог бидејќи тој не се води преку соопштенија и преку медиуми, така што Синдикатот на УПОЗ денес поднесе формално барање за средба со претседателот на Владата, во кое бараме повторно продолжување на дијалогот, кој еднострано беше прекинат од страна на Министерството за финансии со одбивање на предложените колективни договори за додаток на плата за овие вработени што денеска протестираат со нас“, рече Деаноски.
Вработените очекуваат Владата да покаже разбирање и да ја прифати, како што велат, подадената рака од Синдикатот на УПОЗ за изнаоѓање решение за нивните барања. Во спротивно, најавуваат дека повторно ќе ги активираат протестите, а велат и дека ќе ги искористат сите со закон дадени можности за изразување на незадоволството на работниците до остварување на барањата.
„Првин ќе чекаме, ќе дадеме шанса за продолжување на дијалогот како што како што најавува Владата, ако не, ќе ги продолжиме протестите. Се размислува за одење на штрајк, а се размислува и за тужби за државата“, рече Деаноски.
Опозицијата дава поддршка на Синдикатот и бара власта да исплати повисоки плати на административците.
Од владата, протестот веќе го оценија како незаконски и политички мотивиран, бидејќи според нив дијалогот, треба да се води на социоекономскиот совет, а не на улица.
Четврти ден вработените од шест министерства и два органа на државната управа излегуваат на получасовни протести барајќи државата да најде решение за нивните барања. Бараат потпишување Колективни договори, со кој ќе им се изедначат платите со административците во другите институции.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.