Откако утринава беше објавена веста дека вработувањето на синот на пратеничката Мира Стојчевска во АД ЕЛЕМ е пред официјално прогласување за неправилно од страна на Комисијата за спречување на корупција, следува контра од ЕЛЕМ.

Сепак од ЕЛЕМ тврдат дека не постојат никакви нерегуларности во врска со вработувањето на Виктор Стојчевски, бидејќи како што тврдат од компанијата, бил отворен јавен оглас во кој се барал приправник, односно работник за почетничко место. На овој оглас се пријавиле уште двајца кандидати, но од сите тројца Виктор имал најсоодветно образование, а другите двајца кандидати биле со машински и електро-технички факултетет. За ова работно место се барало помлад кадар, кој има работно искуство од две години. Другите двајца кандидати имале работно искуство од 10 и 20 години, што во конкретниот случај не соодветствувало на определбата на ЕЛЕМ.

Во соопштението на ЕЛЕМ, стои дека не бил вршен никаков притисок по однос на конкурсот за ова работно место.

Инау претходно Комисијата за спречување на корупција утврди неправилност при вработувањето на синот на пратеничката Мира Стојчевска, кој не ги исполнил условите што биле предвидени со конкурсот за вработување.

Неправилности имало и кај дел од вработувањата на другите роднини на функционери. Според најавата, овие предмети треба да бидат целосно завршени следната недела.