Унгарскиот министер за надворешни работи

Објавил: Узунов Бобан | 30 август, 2019 11:37

Сијарто: Западните колеги се лицемерни, зборуваат за проширувањето, а носат одлуки против !

Фото/Текст извор: ©магазин

Пред почетокот на состанокот, унгарскиот министер за надворешни работи Питер Сијарто, ја повтори пораката на неговата влада дека проширувањето кон Западниот Балкан е од огромна важност за неговата земја, но остро го критикуваше „лицемерието“ на западните земји.

„Ние сме за брзо проширување на ЕУ, и забрзување на процедурата за пристапување и отворање преговори со Северна Македонија и Албанија, но моето искуство покажува дека западните колеги само зборуваат за проширувањето, а носат одлуки против, тоа е лицемерие“, рече Сијарто.

Тој додаде дека за Унгарија како соседна земја на Западниот Балкан проширувањето кон овој регион е многу важно.

„Многу жалам што многу западни партнери се лицемерни и одлагањето минатиот пат беше спротивно на интересите на Европската Унија“, рече Сијарто алудирајќи на јунската одлука на Советот за општи работи на ЕУ да се одложи датумот за преговори со Северна Македонија и Албанија.

Поддршка, Северна Македонија доби и од луксембуршкиот министер за надворешни работи, Жан Аселборн.

Запрашан од новинар дали му се „при срце“ Албанија и Македонија, Аселборн порача дека ЕУ си зададе цел да донесе одлука за отворање преговори со овие земји во октомври.

„Се надевам дека ќе имаме добро решение во октомври. Македонците многу работеа на ова. Исто и Албанците. На нас е да го направиме тоа што треба. Историјата покажува дека секогаш се отвораат прозорци, но кога ќе се затворат е лошо“, изјави Аселборн пред состанокот.

Министрите на ЕУ денеска ќе одржат состанок со нивните колеги од регионот, меѓу кои и македонскиот министер за надворешни работи Никола Димитров.

Северна Македонија, заедно со Албанија, очекува одлука за старт на преговори во октомври. Голема е можноста одлуката да се донесе само за Северна Македонија, а да се одложи за Албанија, кон која повеќе земји членки имаат големи резерви.

 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Другите закони се усогласувања со законот за прекршоци, каде се намалуваат глобите што е пак интерес на граѓаните.

СДСМ: На 32. седница на Собранието без ВМРО-ДПМНЕ донесовме важни закони

На 32. седница на Собранието парламентарното мнозинстви усвои важни закони за граѓаните...

Веста за моментално лошата состојба на Кајмакоски ни ја потврди и Васко Белески, човекот кој најголемиот дел од времето на X Faktor го помина токму со Даниел на поготовките во Белград.

Кајмакоски во лоша состојба: Итно пренесен во болница по сомнежот дека неговата екс сопруга му дала кафе од кое му се слошило

Пејачот Даниел Кајмакоски вчера бил примен во Клиничкиот центар „Мајка Тереза“. На...

Додаде дека е важно што со тоа ништо не се крие од граѓаните и тие ќе знаат кој функционер на каков работен ручек бил, за каква цел се потрошени парите, а ограничувањата важат за сите функционери почнувајќи од премиерот.

Николовски: 1.500 денари ќе смее да потроши министер за работен ручек

Заменик-претседателот на Владата задолжен за борба против корупцијата и криминалот,...