1200 евра месечен хонорар за амбасадорот Виктор Габер, по 1000 евра месечно за Проф. Људмил Спасов и за Доц.д-р Ана Чупеска!

Објавил: Данаил Михајловски | 15 ноември, 2019 9:57

СКАНДАЛ: Советникот на Димитров зема плата колку претседателот Пендаровски!

Фото/Текст извор: ©магазин

Кој како си ја наредил, толку пари ќе си лапне. Магазин дојде до документи кои укажуваат на тоа дека пензионерот Виктор Габер, советникот на министерот Никола Димитров, зема месечен хонорар од 1200 евра, плус има платен службен телефон, дневници за службени патувања, репрезентација за ручеци и други трошоци на државна сметка. Толкава плата зема и претседателот на државата Стево Пендаровски. МНР Димитров го потпишал договорот со поранешниот амбасадор Габер во октомври 2018 и го поставил за координатор на комитетот на Република Македонија за имплементација на Договорот од Преспа. Амбасадорот Габер ревносно си ја врши работата, за што сведочат изменетите сведителства со “Северна Македонија“, изводи од матичните книги, како и сите избрусени канализациони шахти во Скопје на кои до пред некое време беше аплицирано сонцето од Кутлеш, кое со потписот на Димитров стана ексклузивен грчки симбол, забранет во Македонија. Досега МНР на советникот Габер му има исплатено 15.000 евра, само на основ хонорар на неговата банкарска сметка.

Амбасадорот Габер со месечен хонорар од 1200 евра е на исто рамниште со платата на претседателот Пендаровски. Ваков висок хонар зема и советникот на Заев, г-н Љупчо Зафировски, за кого премиерот тврди дека има добри контакти со луѓе од кабинетот на францускиот претседател Макрон.

Но, амбасадорот Габер не е единствениот кој зема високи месечни хонорари од МНР. Министерот Димитров потпишал договори и со Проф. Људмил Спасов, со доцентот од правниот факултет Ана Чупеска, со Проф. Никос Чаушидис, како и со Проф. Фехари Рамадани од тетовскиот универзитет. Најголемиот дел од нив се активни членови на владеачката СДСМ. Магазин ги има овие договори и според нив се гледа дека ова се едни од најскапите советници кои што ги плаќаат даночните обврзници на Македонија.

Амбасадорот Виктор Габер е истакнат член на СДСМ и брат на директорката на Академијата за судии и јавни обвинители, Наташа Габер.

 

  • Амб. Виктор Габер (Пензионер, член на СДСМ) = 1.200 евра
  • Проф. Људмил Спасов (Филолошки факултет, СДСМ) = 1.000 евра
  • Доц. Ана Чупеска Станишковска (Правен факултет) = 1.000 евра
  • Проф. Никос Чаусшидис (Институт за археологија) = 1.000е
  • Проф. Фехари Рамадани (Универзитет Тетово, катедра за историја) = 1.000е

Досега МНР на сите членови од комисијата вкупно им има исплатено 63.000 евра само на име месечен хонорар, додека  дополнителните трошоци за телефони, трошоците за сместување при службени патувања, дневници за службени патувања, како и репрезентација за службени ручеци, веројатно се големи, но во моментов нема податоци за тој износ. Истовремено, треба да се напомене дека додека во Македонија се бришат сите траги од името Република Македонија во документите, изводите, патните знаци и се брише и придавката “македонски“ од насловите на државните установи, во Грција сеуште на патните знаци, но и во учебниците нашата држава е ословена како “Скопје“. 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Скандал

Министерката Шеќеринска денес по којзнае кој пат се бламираше и покажа основно незнаење. Таа знамето на Американската држава Аризона го претстави за Македонско!

Голем скандал и тежок срам. Шеќеринска како потсмев на социјалните мрежи

Министерката Шеќеринска денес по којзнае кој пат се бламираше и покажа основно незнаење....

“Пуцко Петрол“ е во сопственост на Исмаил Јахоски, кој 1996-2005 беше градоначалник од СДСМ, а од 2009 е градоначалник од ДУИ, на Пласница, најсиромашната општина во МК.

За фирма на градоначалник од ДУИ не треба лиценца за тендери

По случајот со Министерството за одбрана, кога пред две години порталот МКД.мк откри...