„Мамицата да ти ја е..м! Ма иди во п…у матер. Која дивоградба п…..“, вака советникот на ДУИ Нефи Усеини му одговорил на новинарот на А1он.мк на прашање за продолжувањето со градежните активности на еден објект во заштитената зона на Охрид и покрај дирекното решение за уривање на истиот објект.

Инвеститорот, Нефи Усеини, инаку кој е советник на ДУИ во општина Охрид, по завршувањето на изборите за градоначалник, продолжи со завршните работи на летната тераса и никако не сака да се откаже од градењето на овој објект.

Дивоградбата кај Чинарот се појави на 9 и 10 март кога градежни работници со багери и хилти ја урнаа старата платформа и на местото почнаа да градат нова. Сите градежни активности кои се почнаа беа нелегални, но инспекцијата на терен излезе десет дена подоцна, а решение за уривање издаде пред крајот на март.
Нефи Усеини како советник во Општината учествува во носењето на одлуките за легализација на градбите и поставување урбана опрема. Советот на град Охрид ја донел одлуката за поставување урбана опрема кај Чинарот уште во јануари годинава.

Усеини тврдеше дека нема апсолутно никаква пречка да не му биде легализиран објектот што го гради кај Чинарот, затоа што го користи со години и уредно си плаќал закуп на Општината.

„Секоја година редовно си ги намирував побарувањата што ги имав од Општина Охрид. Го користам просторот веќе 10 години. За оваа година немам платено ништо оти не е дојден денот“, додаде Усеини.