Утрово на Инфективната клиника во Скопје почина Драган Вучиќ, познатиот музичар и водител. Вучиќ бил позитивен на вирусот Ковид-19.

На Инфективната клиника, Вучиќ кој беше дијабетичар бил цела недела, со висока температура и со покачен шеќер.

Од блиски на семејстото Вучиќ порталот дознава дека позитивна на вирусот е и е неговата сопруга Весна, која за сега нема никакви симптоми. 

Изминатиов викенд, женски магазин контактираше со неговиот син Мартин, кој потврди дека татко му е во болница, но не даде дозвола за објавување.

Вучиќ е роден во 1955 година во Скопје. Автор е на многу хитови меѓу кои „Свирете ја зајди зајди“ на Олгица Христовска. Беше автор на талент-шоу проектите „Вашите 5 минути“, и „Мак ѕвезди“ и на многу квизови.