Со македонска песна славеа српските „бронзени“ кошаркари на чело со Јокиќ

Фото/Текст извор: ©magazin.mk

Србите имаат кошаркашка бронза на Олимписките игри во Париз, а ние имаме златна песна за прослава на спортски успеси.

Ечеше „Македонско девојче“ во центарот на Париз од грлата на српските кошаркари. Никола Јокиќ и дружината прославуваа во едно кафуле во Париз, каде што изнајмиле и пејач на народни песни да ги забавува.

Во еден момент, селекторот Пешиќ го зеде микрофонот, ја прекина парадата на српски хитови и ја запеа „Македонско девојче“. Никола Јокиќ се качи на столче и заедно со останатите кошаркари, сите пееја „нема, нема, не ќе се роди…“

Оваа песна е неофицијална химна на женските репрезентации на Македонија. Први ја испеаја нашите ракометарки, кои на Светското првенство во Германија во 1997година го освоија седмото место.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.