Премиерот Зоран Заев имаше средба со Катлин Чаба, амбасадорка на Канада, која го завршува својот мандат во нашата држава.

На состанокот бешe констатирано дека пред државава и граѓаните се нови историски можности, коишто се гледаат во евроинтеграцискиот процес и во економскиот развој и во таа насока е пренесена цврста поддршка од Канада и за евроинтеграциите и за унапредувањето на економијата!

Македонија има континуирана поддршка од Канада и за евроинтеграциите и за унапредување на економијата.

На средбата со канадската амбасадорка, Катлин Чаба, изразив благодарност за пријателската и принципиелна поддршка од канадскиот премиер, Џастин Трудо, кој ја охрабрува и нашата држава и светот, со неговите позитивни политики, потенцираше Заев!

Потврда за добрите пријателски односи помеѓу Македонија и Канада е и соработката за време на здравствената криза. Пред двете држави се можности за поинтензивна соработка на економски план, како и меѓу министерствата за внатрешни работи и за одбрана.