Бадник му претходи на нај радосниот семеен празник – Божиќ. Тој е придружен со многу обичаи, кои ги разубавуваат душите на луѓето за раѓањето на Синот Божји.

Бадник е симбол на тоа дрво, кое, според верувањето, пастирите ги однеле Јосиф и Марија да запалат оган и да ја загреат пештерата во која е роден Исус.
Неговото греење е главниот дел од овој празник, но тој од зори до мрак ќе остане засолнет покрај куќата, а дури потоа ќе биде внесен, откако ќе биде посипан со жито.

Бадник се дочекува со посебна почит, со молби за здравје, среќа и мир. Домаќинките веќе ја подготвуваат празничната трпеза, посна, но богата, за и новата година да биде богата и плодна.

Во овие обичаи лежи пронаоѓањето на смислата на празникот за Христовото раѓање. Не е сè во храната и трпезата, бидејќи сето тоа може да се подготви било кој ден. Важно е сите овој празник да го поминат во својот дом, во кругот на семејството, со радост и љубов.

И додека во домовите се пали свеќа, како симбол на Исусовата светлина која ја донел на светот, овие вечери сокаците и улиците се празни.

Бадниковото гранче гори до Божиќ, навестувајќи ја новата светлост која ја носи вербата во новородениот Исус.

Не се оди на гости, ништо не се зема од друг. Се празнува со семејството, а сите обичаи упатуваат на љубов, опростување и надеж дека сите расправии ќе завршат.
Во недела, поздравувајќи го Божиќ, токму тоа ќе си го кажеме едни на други: Мир Божји, Христос се роди!