
Свет
Балкан
Уште еден посилен земјотрес со јачина од 4.7 степени според Рихтер, ја стресе Албанија, по разорниот од 6.4 степени во кој има најмалку 20 загинати и 600 повредени лица.
Потресот со јачина од 4.7 степени се случил пред повеќе од 1 час на длабочина од 5 километри.
За потсетување, Во земјотресот што ја погоди Албанија утрото загинаа најмалку 20 луѓе, меѓу кои и две деца, и повредени се речиси 600, јавија албанските медиуми.
Земјотресот беше со интензитет од 6,4 степени по Рихтеровата скала со епицентар меѓу Драч и Тирана, на длабочина од десетина километри. По силниот земјотрес, следуваа уште неколку потреси.
Во меѓувреме продолжуваат спасувачките операции.
Премиерот на Албанија Еди Рама и лидерот на опозициската Демократска партија, Љуљзим Баша се во посета на подрачјата на Драч и на Тумана што најмногу беа погодени од земјотресот. Баша го повика Рама без одлагање да прогласи вонредна состојба во државата.
Во придружба на вицепремиерот Ерионa Брaче и министерот за внатрешни работи Сандрер Леша, Рама се состана со локалното население чии куќи се урнати во силниот земјотрес.
– Денеска, повеќе од кога било, ние стоиме со семејствата на оние кои ги загубија своите најблиски во оваа природна непогода, рече Рама.
Премиерот им упати длабоко сочувство, уверувајќи ги сите на кои членовите на семејството се уште им се заробени под урнатините дека властите прават се што е потребно за да се спаси секој човек.
Тој рече дека досега од урнатините е спасено 41 лице.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.