Турската полиција денеска се судри во Истанбул со стотици студенти кои демонстрираа против одлуката на претседателот Реџеп Таип Ердоган да го назначи Мелих Булу, член на владејачката Партија на правдата и развојот (АКП), за ректор на еден од најпрестижните универзитети во Турција.

Студентите се побунија, верувајќи дека назначувањето на Булу, за Ердоган е обид за ограничување на академските права и побараа да им се дозволи на Универзитетот да го избере својот ректор!

Студентите кои се собраа во кампусот на Универзитетот Босфор скандираа „далеку од нашиот универзитет“.

“Не е кривично дело ако некој има свое политичко мислење. Назначувањето на Булу е легално”, рече портпаролот на АКП Омер Челик по состанокот на партијата, на кој присуствуваше и Ердоган.