Административниот суд во Тирана пресуди во корист на Македонците во Албанија, поништувајќи ја одлуката на Комесарот за заштита од дискриминација и му наложи на истиот да ја разгледа жалбата против министерот Бушати, кој Македонците ги нарече “Славо-Македонци”.

Објавил: Македонка Димкин | 28 мај, 2018 12:34

Постапка против албански министер за навреда на Македонците

Фото/Текст извор: ©Миа

Административниот суд во Тирана пресуди во корист на Македонците во Албанија, поништувајќи ја одлуката на Комесарот за заштита од дискриминација и му наложи на истиот да ја разгледа жалбата против министерот Бушати, кој Македонците ги нарече “Славо-Македонци”.

Македонското друштво “Сонце”, поднесе жалба до Комесарот за заштита од дискриминација, барајќи јавно извинување од министерот за надворешни работи на Република Албанија, Дитмир Бушати, бидејќи при едно негово интервју дадено на 9 јануари 2017 за телевизија “Топ ченел”, коментирајќи ги состојбите во Република Македонија го користеше терминот “Славо-Македонци” за македонскиот народ.

Комесарот за заштита од дискриминација не ја прифати жалбата на македонското друштво “Сонце”, со образложение дека не ги исполнувала условите предвидени со законот за заштита од дискриминација.

– Сметајќи дека терминологијата што ја користеше министерот Бушати е навредлива и понижувачка за Македонците, упативме жалба до Комесарот за заштита од дискриминација придружена со соодветни докази, барајќи јавно извинување од министерот Бушати за употребата на терминот “Славо-Македонци” и во иднина да не употребува навредливи термини против македонскиот народ, изјави за МИА Васил Стерјовски претседател на МД „Сонце“.

Според него, Комесарот за заштита од дискриминација ја одбил нивната жалба, по 13 месеци, со образложение дека со жалбата не е доставен идентификациски документ на Стерјовски.

– Поради ова се жалевме до Административниот суд во Тирана каде баравме поништување на одлуката на комесарот и обврска да ја разгледа жалбата. Во судска постапка докажав дека имав доставено идентификациски документ и дека Комесарот за заштита од дискриминација во овој случај ги прекршил роковите предвидени со Законот за заштита од дискриминација, при што беше должен да донесе одлука во рок од 90 дена од денот на приемот на жалбата, а тоа тој го направи по една година и еден месец. Административниот суд во Тирана на крајот донесе одлука со која се прифати нашата тужба, ја поништи одлуката на Комесарот за заштита од дискриминација со обврска да ја разгледа нашата жалба, вели Стерјовски.

Според одлуката на судот, посочува тој, неразгледувањето на жалбата од страна на Комесарот е неоснована со закон и факти.

Во конкретниот случај, стои во одлуката на судот, отсуството на идентификациски документ, дури и ако се докажеше дека е факт, не може да се смета како околност за да се одлучи да не се прифати жалбата.

– Одлуката е неоснована бидејќи е докажано дека подносителот на жалбата приложил со жалбата докази и се повикува на доволно елементи за сомневање за дискриминација која би била доволна за поведување на административна истрага, се наведува во одлуката на судот.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Дијаспора

Верувам дека гледате и следите како набрзина се брише, се ништи, се што е македонско. Исчезнува придавката македонски пред институциите, ги менуваат топонимите, од соседите слушаме дека дека македонскиот јазик бил дијалект на бугарскиот

Игор Дурловски: Вечерва сум илјадници километри далеку од дома, но без чувство дека сум во туѓина!

Веќе неколку години, светот го запознава басот Игор Дурловски како интерпретатор на...

По вчерашната "средба" на т.н. македонска дијаспора со премиерот Заев не стивнуваат реакциите на организациите на дијаспората од САД и Европа

ОМД: “Ние се знаеме во САД и ниту една организација не пратила претставник кај Заев и Адеми”

На средбата која ја организираше министерот без ресот задолжен за односи со дијаспората...