Лидерот на најголемата опозициска парија, Христијан Мицкоски и актуелниот премиер и претседател на СДСМ Зоран Заев, ќе се соочат на ТВ дуел во вторник.

Тие ќе ги спротистават своите ставови и мислења во емисијата „Само Вистина“ на Канал 5 Телевизија, во 18:30 часот.

И двајцата политички лидери го потврдиле своето присуство.

Според концептот на Канал 5 телевизија, дуелот ќе трае 100 минути, со ограничување на одговорите на прашањата во траење од 2 минути, како и можност за размена на репилики и контрареплики.

Двајцата гости ќе добијат прашања на актуелни теми на кои граѓаните очекуваат одговори, а и самите ќе имаат можност да отворат по една тема.

До сега, двајцата лидери на политичките партии Мицкоски и Заев имаа само едно директно соочување и тоа на Македонската Радио Телевизија !

Според правилата на Канал 5 телевизија, дуелот ќе трае 100 минути, со ограничување на сите одговори на прашањата во траење од 2 минути, како и можност за размени на реплики и контра реплики.

 За ТВ дуелот стигна и потврда од ВМРО-ДПМНЕ..

–Ја поздравуваме можноста да се говори за вистината во Република Македонија, за недостатокот на правда, загрозените слободи и права, како и изневерените очекувања од Владата. Ја поздравуваме и одлуката што конечно после две директни прозивки до власта, Заев конечно се одважи и охрабри да прифати директен дуел и разговор за овие теми – стои во одговорот од ВМРО-ДПМНЕ.