Професорката од правниот факултет „Јустинијан Први“ од Скопје, Гордана Силјановска,  во програмата Отворено на Алфа телевизија потенцираше дека оние пратеници кои денес на 9 Јануари 2019  ќе кренат раце да гласаат за уставните промени ја фалсификуваат историјата и дека тоа не е само неморален чин, туку со тоа вршат и низа кривични дела.

Професорката вели дека политиката е надвор од границите на правото, и дека процедурата е гаранција за демократијата, па отоворено го прашува премиерот Заев во која постапка тоа, тој, преговара за нови амандмани?

» Стриктно се знае дека амандмани се поднесуваат во постапка по предлог Законот, тоа значи на 9 Јануари . Но кај нас се е надвор од процедурата. Ако го споредите првиот текст на Предлогот за отворање на Уставот, кој што беше испратен во Собранието ќе видите дека воопшто не кореспондира со Нацртот. Ако ние ги учиме студентите дека Уставот е над законите и ако сакаме да имаме правна држава тогаш Уставот е најважната рамка за политиката, но во Македонија тоа не важи.“, вели професорката.

Таа ги потврди и последиците кои ќе произлезат од самото спроведувањето на таканаречениот Преспански договор.

» Далеку од умот е дека на 8 септември повеќе од милион луѓе гласале за Северна Македонија, тоа го пишува во Преамбулата. Постои огромна контрадикција меѓу Преамбулата и членот 36, бидејќи во Преамбулата исто така се почнува со историската меморија, а меморијата е душата на Уставот. “, вели пак Гоце Цветаноски

Професорката во интервјуто на ТВ Алфа вели  дека само поради три провинции во Грција кои се појавиле за прв пат на географската карта во 1987 година како региони, не како територијални единици, сега можат како сакаат и кога сакаат да го користат називот Македонија. А ние кои барем 74 години живееме во Република Македонија, повикувајќи се на правото на самоопределување мораме да внимаваме дека придавката „Македонија“ не смееме да ја користиме ни пред државните институции, кога во придавката е суштината.