ТЕНКОВИТЕ НА СССР ВО БУДИМПЕШТА И ВО ПРАГА БЕА ГРЕШКА Путин смета дека САД ги повторува потезите на Советскиот сојуз

Унгарското востание во 1956 година беше задушено од советски тенкови и војници. Во борбите загинаа најмалку 2.600 Унгарци и 600 советски војници.

Фото/Текст извор: ©твитер / принт

Не е правилно да се прави нешто во надворешната политика што им штети на интересите на другите народи, рече Путин за советските тенкови кои ги задушија Унгарското востание и Прашката пролет за време на Студената војна.

Рускиот претседател Владимир Путин во вторникот изјави дека одлуката на Советскиот Сојуз да испрати тенкови во Унгарија и Чехословачка за да ги задушат масовните протести за време на Студената војна е грешка, јавува Ројтерс.

– Тоа беше грешка – рече Путин на прашањето за тоа дека на Русија некои гледаат како на колонијална сила поради одлуката на Москва да испрати тенкови во Будимпешта во 1956 година и во Прага во 1968 година.

Не е правилно да се прави нешто во надворешната политика што им штети на интересите на другите народи – рече Путин.

Путин рече дека САД ги прават истите грешки како Советскиот Сојуз. Тој рече дека Вашингтон „нема пријатели, туку само интереси“.

Што се случи во Унгарија во 1956 и во Прага во 1968 година?

Прашката пролет, пак, во 1968 година беше завршена кога силите на Варшавскиот пакт предводени од Советскиот Сојуз ја нападнаа Чехословачката Социјалистичка Република. Според чешките историчари, како резултат на инвазијата загинале околу 137 Чеси и Словаци.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.