Според градоначалничката, храброста, професионалноста и солидарноста на тие луѓе кои дојдоа во општината даваат надеж на светлина овие денови.

Објавил: Рејхан Бајрами | 12 септември, 2021 17:20

Теута Арифи организираше прием за сите кои помагале при пожарот во модуларната болница

Фото/Текст извор: ©сител/магазин.мк

Градоначалничката на Тетово, Теута Арифи организираше прием за поединци и претставници на институции кои помагале при пожарот во тетовската модуларна болница на 8 септември и спречиле трагедијата да биде уште поголема.

Во зградата на Општината дојдоа лекарите и медицинскиот персонал кој вечерта работеле во монтажниот објект, како и пожарникари, полицајци, војници…

– Во овие тешки моменти за нас за целиот персонал од болницата, сочувство до сите граѓани на Тетово особено до семејствата на починатите. За нас во овие моменти е многу тешко, нема простор за зборови, меѓутоа наоѓаме сила како што сме наоѓале досега. Во овие моменти не можам да најдам зборови, ќе бидеме и понатаму покрај нашите пациенти до кога има потреба, изјави докторката Евсале Треси.

Според градоначалничката, храброста, професионалноста и солидарноста на тие луѓе кои дојдоа во општината даваат надеж на светлина овие денови.

-Денес е вашиот почесен ден. Сакам да ви се заблагодарам од срце во име на преживеаните, но и во име на целиот наш град. Знам дека во овие неколку дена, не можевме да ги идентификуваме сите тие што помогнаа и не сите се тука денес, но нашата благодарност е до сите тие што придонесоа да се спречи оваа трагедија да биде уште поголема. Благодарност и за вашата работа како медиуми која беше важна да граѓаните добијат потврдени и точни информации. Во секоја трагедија има и жртви, но и свои херои и тие треба да бидат испочитуватни и да бидат како примери дека животот може да ја надвладее смртта, истакна Арифи,

На новинарско прашање каква е опременоста на општината и локалните установи за превенција од пожари Арифи рече дека заедно со протипожарната единица работат на нивно екипирање и инвестиции кај нив, како и дека се прави редовна контрола на објектите во однос на опременост за прва интервенција со противпожарни апарати. 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

-Сите знаеме дека државата не градеше со одобрение за градба на статики, како што се градат сите болници.

Заев: Болницата во Тетово беше без дозвола за градба, и што сега, да се посипеме со бензин и ние да се самозапалиме?

На новинарските прашања за начинот на изградба на модуларната болница во Тетово премиерот...