Осум лица загинаа денеска во пожар што избувна на одделот за интензивна нега за лекување на пациенти со корона, во приватна болница на југот на Турција, пренесоа државните медиуми.

Новинската агенција Анадолија објави дека пожарот избувнал кога експлодирало шише со кислород во одделот за интензивна нега во приватната универзитетска болница „Санко“ во Газиантеп.

Агенцијата наведува дека жртвите биле на возраст од 56 до 85 години, како и дека 14 пациенти биле префрлени од одделот во други болници, пренесува АП.

Пожарот брзо беше ставен под контрола, а истрагата за овој случај е во тек.

Во одделите за интензивна нега во Турција, според пандемијата, биле пополнети 74 проценти од креветите, според владините податоци, иако здруженијата на лекарите тврдат дека болниците се преполни.

Досега во Турција биле заразени 1,98 милиони луѓе, а починале 17.610 лица!