Така, некои во смесата додаваат мелени домати, некои моркови, а најчесто се користи модриот патлиџан како најефективен додаток на традиционалниот ајвар.

Објавил: admin@magazin | 24 септември, 2022 9:20

ТРАДИЦИОНАЛЕН МАКЕДОНСКИ АЈВАР СО МОДРИ ПАТЛИЏАНИ!

Фото/Текст извор: ©готви.мк

Ајвар е посебен вид на салата, направена од црвени пиперки. Ајварот е еден од највкусните специјалитети и најголемите тајни на балканската кујна, и води потекло од Македонија.

Ајварот се припрема на традиционален начин (на отворен простор – пиперките се печат на шпорет на дрва), поради што потребна е доста напорна рачна работа. Најчесто се подготвува кон крајот на летото и во почетокот на есента.

Во текот на подготовката, најпрво црвените пиперки (кои може да бидат и лути и благи) се печат, а потоа се ставаат во пластични ќеси за да набабрат, зашто на овој начин потоа полесно може да се излупат.

Потоа следува внимателното лупење, при кое треба да се отстранат семките и собирањето во мрежести вреќи во кои пиперките ја поминуваат ноќта. Следниот ден тие се сечат на ситни парчиња, мелат и пржат на тивок оган.

Така, некои во смесата додаваат мелени домати, некои моркови, а најчесто се користи модриот патлиџан како најефективен додаток на традиционалниот ајвар.

Ви претставуваме традиционален рецепт МАКЕДОНСКИ АЈВАР!

Состојки:

2 средно големи модри патлиџани
4 лажици масло
5-6 лажици сок од лимон
2 лажички сол
1/2 лажичка бибер

Начин на подготовка:

Испечете ги патлиџаните во рерна загреана ан 250 степени. Кога лушпата ќе потемни извадете ги, оставете ги да станат млаки, излупете ги и сомелете ги.
Во масата додајте ги останатите состојки и добро измешајте. Овој ајвар не може долго да стои.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.