Вучиќ нареди да се воспостави состојба на засилена борбена готовност во ситуација кога Србите на северот на Косово дежураа на барикадите, но и по најавата на премиерот на Косово, Албин Курти, дека ќе ги тргнат барикадите доколку КФОР не го стори тоа.

Бидејќи беше договорено барикадите да се отстранат, беше донесена одлука за прекин на состојбата на зголемена борбена готовност!

Откако најави дека блокадите од северот на Косово ќе бидат тргнати, српскиот претседател Александар Вучиќ денеска ја укина и состојбата на зголемена борбена готовност на армијата на Србија, јави РТС.

Борбената готовност на српската армија беше прогласена на 26 декември поради ситуацијата на северот во Косово. Тогаш претседателот Вучиќ како врховен командант на српските вооружени сили нареди армијата и сите единици на Министерството за внатрешни работи да бидат на највисоко ниво на борбена готовност.

Вучиќ нареди да се воспостави состојба на засилена борбена готовност во ситуација кога Србите на северот на Косово дежураа на барикадите, но и по најавата на премиерот на Косово, Албин Курти, дека ќе ги тргнат барикадите доколку КФОР не го стори тоа.

Бидејќи беше договорено барикадите да се отстранат, беше донесена одлука за прекин на состојбата на зголемена борбена готовност.

Иако Вучиќ на 26 декември формално објави дека донел одлука за воведување состојба на зголемена борбена готовност, српските вооружени сили неофицијално влегоа во оваа состојба пред две недели. На прес-конференцијата одржана на 13 декември, Вучиќ рече дека ги дал најважните наредби во врска со актуелната криза на северот на Косово.

По донесувањето на одлуката за укинување на состојбата на борбена готовност на армијата, премиерката на Србија, Ана Брнабиќ, преку твитер-објава им се заблагодари на Вучиќ и на косовските Срби, што како што вели, нашле сила да одговорат на бруталниот терор и агресија.

„За жал, верувам дека тука не е крајот на провокациите на Курти, но се надевам и верувам дека меѓународната заедница ќе се погрижи да се почитуваат договорите постигнати во последните 24 часа за да се зачува овој момент на мир и стабилност и да се свртиме кон исполнување на Бриселскиот договор“, пишува Брнабиќ на Твитер.