Веќе четири дена смртта на светски познатиот кошаркар Коби Брајант е во топ вестите во светот. Трагично загинатата кошаркарска ѕвезда животот го загуби на 41 година, а во кобната хеликоптерска несреќа загина и неговата 13- годишна ќерка Џиана и уште седум лица.

Денеска, четири дена по смртта на Коби се огласија и Лејкерси, единствениот клуб на Коби Брајант каде тој мина 20 сезони.

“Уништени сме и тажни по изненадувачкиот губиток на Коби Брајант и неговата ќерка Џиана. Ја испраќаме сето љубов на Венеса и семејството Брајант, како и до семејствата на останатите патници. Зборовите не се доволно за да кажеме што значење Коби за ЛА Лејкерс, нашите навивачи и нашиот град. Тој беше повеќе од кошаркар, беше сакан татко, сопруг и соиграч. Неговата љубов и светло засекогаш ќе останат во нашите срца„, пишаа Лејкерс.

Вчера за прв пат се огласи и неговата сопруга Ванеса со која имаа четири ќерки. Таа  заблагодарува на милионите луѓе кои сочувствуваат со големата загуба на нејзиното семејство. „Комплетно сме скрешени“, вели Ванеса за неа и за трите ќерки.

„Нема доволно зборови за да се опише нашата болка. Утеха ми е тоа што Коби и Џиџи знаеја дека се многу сакани“ – стои во дел од пораката на сопругата на Коби.

Ванеса и Коби во брак беа 20 години. Живтот го почнаа бурно, бракот не го одбруваа неговите родители. Имаа проблеми и кога Коби беше обвинет за сексуално злоставување и кога ги призна неверстава. Поднесоа и барање за развод, но го повлкоа. Во последните години живееја мирно и минатата година им се роди и четвртото девојче.