– Наредив на морнарицата на САД да ги уништи сите ирански бродови ако „ги вознемируваат нашите бродови на море“, напиша Трамп на својот профил на Твитер.

За потсетување, американската војска минатата среда објави дека 11 бродови на револуционерната гарда на морнарицата во една ситуација во водите на Заливот, опасно се приближувале до бродовите на морнарицата на САД и на крајбрежната стража, нарекувајќи го овој потег „опасен и провокативен“.

Техеран ги негираше обвинувањата и објави видео од инцидентот, во кој се прикажани бродовите на Иранската револуционерна гарда кои кружат американски бродови еден час.

Иранската влада смета дека поморската активност на САД во Заливот е многу провокативна, нарекувајќи ги постојаните патроли на САД „авантура“.

Иран денеска соопшти дека има уште 94 починати од новиот коронавирус, и во исто време истакна дека продолжува тенденцијата на намалување на бројот на новозаразени. Вкупниот број на жртви во Иран достигна 5.391, а заразени се вкупно 85.996 луѓе.

Според најновите податоци, со новиот коронавирус во светот се заразени 2.586.266 лица. Од нив починати се 179.929 , а оздравеле 705.814 луѓе.