Благоја Георгиевски ќе остане запаметен како единствениот македонски кошаркар кој освоил медали од големите натпреварувања, а почит на легендата му оддаде и Светската кошаркарска федерација (ФИБА).

Објавил: Весна Петровска | 31 јануари, 2020 12:09

ФИБА му оддаде почит на Буштур: Кошаркарскиот свет загуби многу!

Фото/Текст извор: ©онлајн магазин

Македонскиот спорт пред се кошарката остана без легендата Благоја Георгиевски – Буштур кој ноќеска трагично го загуби својот живот во сообраќајна несреќа во Кисела Вода.

Благоја Георгиевски ќе остане запаметен како единствениот македонски кошаркар кој освоил медали од големите натпреварувања, а почит на легендата му оддаде и Светската кошаркарска федерација (ФИБА).

Кошаркарскиот свет го загуби Благоја Георгиевски, гласи насловот на официјалната страница на ФИБА со текст во кој е опишана кариерата на Буштур и како играч и како спортски работник.

Благоја Георгиевски е роден на 15 октомври 1950 во Скопје и речиси целата своја играчка кариера ја помина во Работнички, во југословенската Прва лига. Со Работнички во сезоната 1975/76, Буштур стигна до полуфиналето во Купот на победниците на куповите.

На Европско првенство во 1971 година во Западна Германија, како член на Југословенската кошаркарска репрезентација го освои сребрениот медал. Георгиевски беше учесник на Летните олимписки игри во Монтреал во 1976 година каде исто така се закити со сребрен медал.

Буштур по завршувањето на играчките денови остана во кошарката и работеше како тренер во неколку наши клубови, неколку сезони помина и во Кипар како тренер стана а потоа беше и селектор на македонската репрезентација. По водењето на репрезентацијата Буштур ја заврши својата тренерска кариера и стана член на Управниот одбор на МКФ и на Собранието на Македонскиот олимписки комитет, претседател на олимпискиот совет при МОК, а беше и потпретседател на највисоката спортска институција во нашата земја.

Од 1997 година Благоја Георгиевски Бупштур е член на Клубот на великаните на Македонскиот олимписки комитет.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од InMemoriam

На 88-годишна возраст, во неделата во Охрид почина Томислав Кичеец, доајен на адвокатурата во Охрид и Македонија.

Почина легендата на адвокатурата во Охрид и Македонија Томислав Кичеец

На 88-годишна возраст, во неделата во Охрид почина Томислав Кичеец, доајен на адвокатурата...

Марија Витанова и Методиј Витанов, биле први братучеди, а во Италија претојувале поради конзулскиот ангажман на Столе Витанов, инаку татко на настраданата Марија Витанова.

ПОЧИВАЈ ВО МИР УБАВИЦЕ: Ова е ангелот Марија што загина вчера во Италија, ќерка на македонскиот конзул(ФОТО)

Два млади животи вчера предвреме згаснаа на улица во Пјаченица – Италија. Автомобилот...