
Македонија
Вести
Поранешниот министер за здравствот, Венко Филипче ќе има лично обезбедување иако веќе не е министер за здравство, потврдија од Министерството за внатрешни работи за Фокус.
Како што објаснуваат од таму членови на владата може да имаат обезбедување и по престанокот на функцијата според направена безбедносна проценка.
-Обезбедувањето на личностите е регулирано со Уредбата за личностите и објектите што се обезбедуваат, видовите на мерки и активности и степените на обезбедување врз основа на која Министерството за внатрешни работи во рамките на својата надлежност презема мерки и активности за обезбедување на највисоките претставници на органите на државна власт.
Во контекст на наведеното, определени се мерки и активности за обезбедување на тогашниот министер за здравство Г.Венко Филипче.
Врз основа на член 6 став 3 од Уредбата, може да се определат мерки за обезбедување по престанокот на функцијата на членови на Владата на Република Северна Македонија. Г-динот Филипче во моментов има обезбедување од МВР, кое му е определено врз основа на безбедносна проценка, обајснуваат од МВР за Фокус.
Филипче за Фокус вели дека не е точно дека имал смртни закани, но потврдува дека ќе има обезбедување.
-Не е вистина дека сум имал закани по живот, ниту дека сум барал обезбедување и возач. Обезбедувањето ми е продолжено според проценка на Агенцијата за национална безбедност (АНБ) на уште шест месеци, вели Филипче за Фокус.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.