Министерот Филипче истакна дека добро одат преговорите со компанијата Фајзер и за кратко време договорот ќе биде склучен, резервирани се дозите со таа динамиката како што беше најавено од овој производител.

Објавил: Мирко Бачиќ | 17 јануари, 2021 10:16

Филипче: Здравствениот систем е подготвен за вакцинација, фрижидерите за вакцините пристигнаа

Фото/Текст извор: ©магазин.мк

Министерот за здравство д-р Венко Филипче, во вчерашното гостување во Дневникот на телевизија Сител потенцираше дека здравствениот систем е целосно спремен за вакцинација и во месец февруари се очекува да пристигнат првите дози од „Фајзер“ и „КОВАКС“ механизмот.

„Може да кажам дека по сите три механизми реагиравме и комунициравме навремено и интензивно, најпрво со КОВАКС, пред некој ден имаше и најава од Светската здравствена организација дека првите дози вакцини може да се очекуваат на оние земји кои се спремни, a ние бевме оценети како едни од најспремните земји во Европа во смисла на тоа вакцините да се пречекаат, складираат, дистрибуираат, а понатаму и да се аплицираат“, изјави Филипче.

Во гостувањето на Сител, тој информираше дека пристигнати се фрижидерите кои беа најавувани како донација за фајзеровата вакцина која се чува на -70 степени.

„Два фрижидери се веќе тука, уште три во текот на следните недели.  Во еден фрижидер може да се складираат 100 илјади дози на вакцини. Имаме сосем доволен број капацитети и во овој момент“, рече Филипче.

Министерот Филипче истакна дека добро одат преговорите со компанијата Фајзер и за кратко време договорот ќе биде склучен, резервирани се дозите со таа динамиката како што беше најавено од овој производител.

„Тоа се 5850 дози во февруари, а по 17.500 во месец март и април. Меѓутоа гледаме дека е тоа едно прашање коешто е на некој начин проблематично за сите земји во Европа. Сите земји и од Европската унија добија значајно помалку од тоа што беше планирано. Тоа е причината зошто оној трет механизам на солидарност на некој начин доцни, затоа што тие не можат да си дозволат да одделат сега во оваа фаза одредена количина. Поради тоа најавија дека тоа ќе се случи во следните месеци после месец март. Колку за илустрација, од најавените 230 илјади дози на почетокот на годината Австрија добила 23 илјади. Што значи самата компанија Фајзер којашто во овој момент е единствената која има вакцина која е одобрена од двете најголеми регулаторни тела за контрола на лековите европската ЕМА и американската ФДА, има предизвик да ги зголеми своите капацитети. Сега најавија дека малку ќе намалат со цел да ги надградат капацитетите за да испорачаат многу повеќе во текот на цела 2021 година“, посочи Филипче и најави дека во месец февруари ќе пристигнат и вакцините преку КОВАКС механизмот, за коишто се направи уплата и се обезбеди соодветна гаранција. Вкупната количина на вакцина преку овој механизам за нашата држава изнесува 833.000 дози.

„Целосно е спремен системот во однос на складирањето, планот на дистрибуција, идентификувањето на критичните групи според приоритет. Направен е планот, тоа се три групи.

Во првата група се здравствените работници кои работат со ковид пациенти, вработените во лабораториите кадешто се прави дијагностика, штитениците на домовите за лица со посебни потреби и најстарите лица од возрасните групи над 70 години коишто имаат коморбидитети. Во втората група се останатите здравствените работници, вработени во критична инфраструктура – наставниците, вработените во градинките, новинарите и секако пациентите од другите возрасни групи коишто имаат хронични болести.

Целосно се спремни и здравствените домови и Центрите за јавно здравје ширум државата за да ги преземат и аплицираат вакцините по овој редослед“, информираше Филипче.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Здравје

Со оваа донација, Банката во изминатите 10 месеци има донирано повеќе од 220.000 евра во справување со коронавирусот преку опрема и материјали во поддршка за здравствените работници.

ФИЛИПЧЕ: СТОПАНСКА БАНКА ОД ПОЧЕТОКОТ НА КОВИД КРИЗАТА ДОНИРА ОПРЕМА И СРЕДСТВА КАДЕ ШТО Е НАЈМНОГУ ПОТРЕБНО

Министерот за здравство д-р Венко Филипче, генералниот извршен директор на Стопанска...

Тој потенцираше дека во моментов сме во ситуација во која има лесно зголемување на бројот на заразени од коронавирусот, со што факторот Р0 се зголемува.

ФИЛИПЧЕ: ЛЕСНО ЗГОЛЕМУВАЊЕ НА БРОЈОТ НА ЗАРАЗЕНИ, 70 ОТСТО ОД НОВИТЕ СЛУЧАИ СЕ СО БРИТАНСКИ СОЈ, ВИКЕНДОВ СЛЕДУВА АНАЛИЗА НА СОСТОЈБАТА ВО ОДРЕДЕНИ ГРАДОВИ

Министерот за здравство, д-р Венко Филипче, во денешната изјава за медиумите истакна...

Регистрирани сe 2.320 нови позитивни случаи од 33 градови во државата со зголемување од 3,9% во однос на минатата недела.

ИЗВЕШТАЈ НА ИЈЗ ОД 15 ДО 21 ФЕВРУАРИ – ЗГОЛЕМУВАЊЕ ОД 3,9% НОВИ СЛУЧАИ, ОЗДРАВЕНИ 1.760 ЛИЦА, ПРОЦЕНТОТ НА ПОЗИТИВНОСТ ВО ПРОСЕК 14,7%

Според неделниот извештај на Институтот за јавно здравје, во периодот од 15 до 21 февруари...