Почитувани пациенти, ние сме со вас. Секојдневно се грижиме за вашето здравје, но и здравјето на вашите најблиски. Моето присуство на денешниот протест е поддршка, затоа што со насилство врз здравствените работници не се постигнува ништо, изјави денеска министерот за здравство Венко Филипче кој присуствуваше на протестот против насилството врз медицинските работници кој го организираше Асоцијацијата на специјализанти и млади лекари (АСМЛ).

-Моето присуство на денешниот протест е поддршка, затоа што со насилство врз здравствените работници не се постигнува ништо. Нападот е недозволив и казнив според закон, вели министерот Филипче.

-Преземавме конкретни мерки со мобилна полициска патрола на најкритичните јавно-здравствени установи за да не се случуваат вакви инциденти. Мора да ја вратиме довербата меѓу пациентите и здравствените работници.

-Преземаме мерки за да го вратиме и достоинството на здравствените работници. Преку вработувања, зголемени плати, дежурства, едукации итн, тие да бидат да бидат мотивирани и задоволни во својата работа. Вршиме хумана дејност, довербата меѓу пациентите и здравствените работници е најважна.

Медицинските работници, во организација на Асоцијацијата на специјализанти и млади лекари, денеска излегоа на протест во Клиничкиот Центар по повод напади те кои се случија изминатиот период врз медицинските работници од страна на пациенти и нивни роднини.

Медицинските работници изјавија дека ова ќе биде последен протест како предупредување до надлежните институции да го решат овој голем проблем во здравството.