Во последните 24 часа се направени 1208 тестирања, а регистрирани се 136 нови случаи на ковид-19.

Објавил: Катерина Крстиќ | 24 јуни, 2020 17:59

Филипче: Со отворање на границите и аеродромите нема да се зголеми бројот на дијагностицирани пациенти

Фото/Текст извор: ©магазин.мк

Во петок се отвораат границите, а мноумина се прашуваат дали со тоа потенцијално ќе се зголеми и бројот на заболени во земјава, но според министерот за здравство Венко Филипче, тоа не игра голема улога во зголемување на бројот на ново дијагностицирани случаи затоа што локалната трансмисија е најголемиот ризик, изјави министерот за здравство Венко Филипче за време на попладневната посета на Клиничка болница-Битола.

Досега во земјата се направени вкупно 54.456 тестирања на ковид-19. Денеска нема тестирања во рамките на скринингот. Вкупната бројка на ковид дијагностицирани во нашата земја од почетокот на епидемијата изнесува 5445, бројката на оздравени пациенти е 2091, на починати е 259, а во моментов бројот на активни случаи во земјата изнесува 3095.

-Како што е познато на почетокот на кризата имавме случаеви кои дојдоа од странство, но тие беа ризик за мал број контакти во нивната непосредна околина. Доколку се почитуваат превентивните мерки тогаш овој ризик практично се сведува на минимум. Неможе ниту една држава од светот да живее сама во себе затворена со затворени граници. Сметам дека отворањето на границите со контролата што ја имаме, односно термалните камери на аеродромите и начинот на анкетирање на патници на влез во државата, сметам дека нема ризик за зголемување на бројот на дијагностицирани пациенти, посочи министерот Филипче.

Инаку во последните 24 часа се направени 1208 тестирања, а регистрирани се 136 нови случаи на ковид-19.

Починати се 8 лица, двајца пациенти од Скопје, двајца од Куманово, двајца пациенти од Тетово, еден од Велес и еден пациент од Кичево.

Денеска Институтот за јавно здравје регистрира 43 оздравени пациенти.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

– Мицкоски да дојде, премиер да биде? Не размислувам за оставка, а премиер или заменик премиер ќе биде претседателот на Алијанса кога ќе заслужи, кога ќе биде тука да даде идеи, да понуди решенија, не грозотијата да ја користи на најперфиден начин и тоа за време на трите денови на жалост, се од пуста желба за власт, да се победи.

Заев: Не размислувам за оставка

Заев денеска рече дека не размислува да даде оставка. Тој во изјавата на Зијадин Села,...

На поднесеното барање за оваа точка да биде ставена на дневен ред, од присутните 108 пратеници на вчерашната седница, само 19 пратеници гласаа ЗА.

Власта и опозицијата сложно го одбија предлогот на Левица за намалување на патните трошоци на пратениците

Предлог законот за изменување и дополнување на Законот за пратениците, поднесени уште...