Најмалку тројца крадци во текот на ноќта извршиле огромна кражба во златарница во Рим. Тие влегле во златарницата преку дупка во подрумот, при што украле плен вреден околу 500 илјади евра.

Голема кражба е извршена во златарницата „Булгари“ во самото срце на Рим. Алармот бил вклучен околу полноќ откако крадците, влегле во златарницата, минувајќи низ подрумот, преку дупка направена на подот преку која успеале да влезат во сервисната соба.

Според првичните информации, откако влегле во златарницата, крадците ги скршиле стаклата и го украле накитот од внатре. Алармот се вклучил, но крадците успеале да побегнат на време.

Полицијата ги прегледала снимките од сите достапни надзорни камери и е во потрага по крадците. Се претпоставува дека во грабежот учествувале најмалку три лица. Веќе имало обид за грабеж на оваа златарница „Булгари“ кога крадците среде бел ден со багер го искршиле излогот на продавницата.

Форензичката полиција извршила мерења, при што ја прегледала и дупката на подот што ја поврзувала продавницата со подрумот на зградата.

Истрагата за инцидентот ја водат полициски службеници на лет од Рим.