Лидерите на Шведска и Финска денеска ги предадоа барањата за членство во НАТО, а за в четврток е најавен нивен состанок со Џозеф Бајден во Белата куќа, пренесуваат повеќе светски медиуми.

Процесот за пристапување во НАТО-алијансата може да трае и до една година, а на тој пат стои и Турција која е против членството на Шведска и Финска.

Столтенберг го поздрави барањето на Финска и Шведска за влез во НАТО.

Апликацијата за членство во НАТО сега треба да биде одобрена од 30 земји-членки на Алијансата, пренесе Танјуг.

Овие две земји одлучија да аплицираат во НАТО откако се засили воената агресија на Русија врз Украина, тие сметаат дека НАТО им нуди поголема безбедност во непредвидлив период.