Санкциите, рече таа, имаат за цел и нанесат штета на способноста на Кремљ да ја финансира војната и со тоа да се обиде да ја измени европската безбедносна архитектура.

Објавил: Перо Милчин | 24 февруари, 2022 21:38

ФОН ДЕР ЛАЈЕН: ПУТИН ЈА ВРАЌА ЕВРОПА ВО ВОЈНА!

Фото/Текст извор: ©магазин.мк

Европската Комисија денеска на лидерите на ЕУ им го презентираше новиот пакет санкции против рускиот режим со цел да се ослабне економскиот темел на Русија.

Ова утрово го изјави претседателката на Европската Комисија, Урсула фон дер Лајен, која го обвини лично рускиот претседател и Кремљ за ескалацијата во Украина и обидот за дестабилизација на Европа.

Европската Унија вчера го усвои првиот пакет на санкции кој таргетираше стотици блиски до Путин инволвирани во признавањето на сепаратистичките области во Донбас. Со руската инвазија на Украина која започна ноќва, Европската Комисија ќе им предложи на лидерите на ЕУ многу построги санкции.

Ќе презентираме пакет на масовни таргетирани акции, ќе ги таргетираме стратешките сектори на руската економија преку блокирање на пристапот на Русија до технологијата и пазарите кои се за неа клучни. Ќе го ослабнеме рускиот економски темел и капацитет за модернизација, дополнително ќе ги замрзнеме руските имоти во ЕУ и ќе го стопираме пристапот на руските банки до европските финансиски пазари, изјави утрово фон дер Лајен.

Лидерите на ЕУ ќе се состанат во Брисел во осум часот вечерва за да дискутираат и да ги усвојат новите поостри санкции против Русија.

Претседателката на Европската Комисија им се обрати и на руските граѓани.

Путин се обидува да го врати часовникот во времето на руската империја и со тоа ја загрозува иднината на Русија, го повикуваме народот на Русија да го стопира насилството, рече шефицата на Комисијата, додавајќи “знаеме дека милиони Руси не сакаат војна“.

Санкциите, рече таа, имаат за цел и нанесат штета на способноста на Кремљ да ја финансира војната и со тоа да се обиде да ја измени европската безбедносна архитектура.

Путин ја враќа војната во Европа и во овие мрачни времиња ЕУ стои со Украина и нејзиниот народ.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Во четвртокот, германската Влада делумно попушти, наведувајќи дека ќе се задржи ослободувањето од данок на земјоделскитевозила и дека ќе се укине намалувањето на даночните олеснувања за дизелот во текот на три години.

Германските земјоделци со трактори и камиони на протести пред Бранденбуршката порта

Германските земјоделци за денеска најавија протести пред Бранденбуршката порта во...