Ова подолу е компјутеризирана томографија на пациент со здрави бели дробови и на пациент со COVID-19. Не треба да имате медицинска диплома за да ја забележите разликата.

Објавил: Стојче Бушин | 22 мај, 2020 15:55

(ФОТО) Наоди на македонски пациенти: Пациент со COVID-19 никогаш нема да има исти бели дробови!

Фото/Текст извор: ©Магазин.мк

Доктор Петар Марков на својот Фејсбук профил објави фотографии од компјутеризирана томографија на пациент со здрави бели дробови и на пациент со COVID-19 и објасни неколку важни работи, за кои сите граѓани треба да бидат свесни и разумни!

Не знам дали е измислен, произведен во лабораторија или резултат на мутација… не знам дали е производ на заговор или неконвенционална војна но ги знам ефектите кои ги предизвикува на човечкото здравје.

Некој ќе рече, па добро де, луѓето и така умираат… да, но доколку некој ни рече дека имаме 10% да добиеме лото вечерва претпоставувам многу би ги изиграле своите среќни броеви и би имале фер шанса да бидат добитници.

А што ако некој ни каже дека доколку не внимаваме имаме 10% шанса да се заразиме или уште полошо имаме исто толкав процент на веројатност да заразиме некој друг или многу други, како тогаш би постапиле?

Разликата е во тоа што на пациентот со COVID-19 белите дробови никогаш повеќе нема да му бидат исти како пред инфицирањето. Белите опацитети претставуваат изразена фиброза, а фиброзата е таа која го дава изгледот на лузната откако ќе се здобиеме со некаква повреда на некој дел од телото. Претставува најчесто ткиво со нарушена функција, нееластично, кое има за цел да ги врзе рабовите на настанатиот дефект!

Во случајот тоа се случува во белите дробови. Секаде каде постојат белите пребојувања на сликата, особено кон периферијата, претставува фиброзно променет паренхим на белиот дроб; афункционално, нееластично сврзно ткиво за кое не постои начин да се врати во функција, а за нормално функционирање на белите дробови е потребен и еластицитет но и функционалност во размената на гасови.

А како изгледа субјективниот наод на пациентот. Ставете дебела перница врз вашето лице и побарајте некој да ја притисне, дишете 10 сек, 15 сек, 30-40 доколку можете и побарајте да ја тргнат. Ова е чувството кое го имаат пациентите само што нивната перница не може да се тргне. Нивното лице останува покриено се до ставањето на аспиратор и конечно до нивната смрт, исто како тие 30-40 секунди или умираат или ќе живеат со перманентна штета.

Тоа што го има на сликите не се наоди од Вухан или Италија или Шпанија… ова се наоди од пациенти од Македонија и тоа на возраст 30+ години. Имаме должност спрема нашите семејства, нашите блиски и спрема самите себе да останеме безбедни од нешто кое може да се превенира.

Да се воздржиме од непотребни експозиции, да внимаваме на самите себе бидејќи на тој начин ги штитиме и нашите најблиски. Ништо не е поубаво од чувството на земање длабок здив, да избегнеме да сме тие кои ќе го земат некому но и не смееме да дозволиме да ни го земат, пишува докторот!

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Здравје

Регистрирани сe 2.397 нови позитивни случаи од 34 градови во државата со намалување од 3,0% во однос на минатата недела.

ИЗВЕШТАЈ НА ИЈЗ ОД 11 ДО 17 ЈАНУАРИ, 2021Г: НАМАЛУВАЊЕ НА БРОЈОТ НА НОВИ ПОЗИТИВНИ СЛУЧАИ И ПРОЦЕНТОТ НА ПОЗИТИВНИ ОД ТЕСТИРАНИ, ЗГОЛЕМЕН БРОЈ ОЗДРАВЕНИ ЛИЦА

Според неделниот извештај на Институтот за јавно здравје во периодот од 11 до 10 јануари...

Со крвна плазма досега се третирани 661 пациент. Со ваквиот највисок чин на хуманост, граѓаните кои се оздравени имаат можност да им помогнат на тие кои во моментот се борат со коронавирусот.

ДАРУВАЊЕТО КРВНА ПЛАЗМА НАЈВИСОК ЧИН НА ХУМАНОСТ, ДОСЕГА ОБЕЗБЕДЕНИ 802 ЕДИНИЦИ, ТРЕТИРАНИ 661 ПАЦИЕНТ

Од Институтот за трансфузиона медицина информираат дека се обезбедени вкупно 802 единици...

„Постојат многу конвенционални лекари кои не го сакаат тоа што го зборувам“, вели тој, па раскажа како пред дваесетина години бил на работ на смртта.

Сега крвниот притисок ми е 125/80: Д-р Несторовиќ откри како ја излекувал хипертензијата

Во голема исповед пред ТВ-камерите во емисијата „Говорница“ проф. Д-р Несторовиќ зборуваше...