ФОТО: Ова е првиот новинар кој почина од коронавирус во Македонија!

Во меѓувреме, повеќе од 60 нови случаи со Ковид-19 се регистрирани во изминатите 24 часа во државава, а еден пациент е починат, информираа за МИА од Институтот за јавно здравје

Фото/Текст извор: ©Курир.мк

Вчера во Македонија почина првиот медиумски работник од коронавирус. Станува збор за 44 годишниот Беким Бајрамоски за кого смртта беше соопштена вчера.

**Беким е првиот новинар во Македонија кој почина од коронавирус**.

Бајрамоски работел во локалната телевизија Спектра во Лабуништа.

„Заразен е во Лабуништа од средината, од околината. Според тие контакти кои ги имаме сè се тоа луѓе кои се семејно поврзани коишто биле на најразлични настани или не биле, тоа не е нашиот интере“, рече Сашо Точков-директор на Центар за јавно здравје Охрид.

Од Центарот за јавно здравје во Охрид додаваат дека и понатаму имаат проблеми со многу жители кои ги кријат симптомите или кои не кажуваат со кого контактирале.

Инаку во Сруга активни случаи со Ковид-19 се 12, од кои еден во Лабуништа.

Во меѓувреме, повеќе од 60 нови случаи со Ковид-19 се регистрирани во изминатите 24 часа во државава, а еден пациент е починат, информираа за МИА од Институтот за јавно здравје.

Посочија дека од новодијагностицираните случаи со Ковид-19, најголем број се од Скопје.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.