Заев: Функционерите се должни да преземат политичка одговорност, да ги спроведуваат владините политики и да ги почитуваат законите!

Јас одговорно тврдам, дека поставените функционери кои ги поставуваме врз основа на политички договор е со цел да преземаат политичка одговорност за спроведување на тоа изборните програми коишто подоцна станува исполнување на Владина програма, која се спроведува директно од политичките претставници кои се избрани од мнозинството избрано од граѓаните“, истакна премиерот Зоран Заев во емисијата „24 анализа“ на Телевизија 24, одговарајќи на прашањето за причините поради кои се менуваат директорите на државните институции.

Во случајот со разрешувањето на директорот на Државниот пазарен инспекторат, Стојко Пауновски се работеше за спроведување на Законот за спроведување на К-5 Програмата, односно за распоредување на работни задачи на административни службеници, кои се примени на работа, земаат плата, а не работат“, рече премиерот Заев додавајќи дека директорите се поставени и се разрешуваат од Владата и се директно одговорни за спроведување на владините политики и почитување на законите.