Еврокомесарот за проширување Јоханес Хан смета дека гласовите “за“ на референдумот се значајни и со тоа се дава поддршка на Договорот од Преспа.

Хан намерно или не изуми дека сепак мнозинството од населението, односно 65% од граѓаните не излегоа на референдумот и не дадоа легитимитет на Договорот од Преспа.

Им честитам на оние кои гласаа денеска на консултативниот референдум и ги искористија своите демократски слободи. Со значајното “да“ има широка поддршка за Преспанскиот Договор и евроатлантската иднина на земјата. – напиша Хан на Твитер.

Сега, додаде тој, очекувам сите политички лидери да ја почитуваат оваа одлука и да ја спроведат со голема одговорност и единство ширум партиските линии во интерес на земјата, повика Хан.

Дипломатски извори во Брисел велат дека се надеваат дека опозицијата “ќе биде поконструктивна од досега“ и дека ќе ја поддржат институционалната процедура.