Европската Унија своите активности ги регулира строго протоколарно, преку изјави на потрпаролите за кои сите земји членки се уредни известени најмалку 12 до 8 часа претходно, со што изјавата на Твитер на Хан е приватно мислење.

Имено прва со став на ЕУ во име на Европската Комисија, коа е тело што раководи со унијата се јави портпаролката Маја Коцијанчич која изјави дека случајот околу можниот политички азил на поранешниот премиер на Македонија е нешто што ЕУ нема да го коментира а најмалку да го дискутира како се запазени сите процедури за кои имаат ингеренции.

Ден по неа се јави и портпаролот Маргаритис Шинас, исто така во името на Европската Комисија кој беше подециден во својата изјава:

Европската комисија не ги коментира тековните судски постапки. Владеењето на правото е основен принцип на Европската унија, што е услов и за земјите членки и за земјите кандидатки. Очекуваме сите страни строго да се придржуваат кон применливите правила. Ова е судски процес што не треба да се политизира. – изјави Шинас.

Денес еврокомесарот за проширување на Европската Унија, Јоханес Хан ја злоупотреби функцијата за приватно прашање кое го исполитизира азилот.

Изненадувачки е што Унгарија го поддржува членството на Македонија во ЕУ, но не ја смета за сигурна земја. – напиша еврокомесарот за проширување Јоханес Хан на Твитер.

Воедно Хан искористи и второ продолжение на твитот:

Владеењето на правото е клучен принцип на земјите членки и за кандидатите за членство. Тоа е клучно за кредибилитетот на Европа. – напиша Хан.

Тој вели дека ако навистина Унгарија му дала политички азил на поранешниот македонски премиер Никола Груевски, очекува гласно објаснување за нејзините основи од унгарскиот премиер Виктор Орбан.

Според информации од кабинетот на премиерот на Унгарија, Орбан, прво ќе побараат верификација на тоа за каков вид порака се работи, по што ако Хан го злоупотребил својот службен профил на Твитер ќе побараат и одговорност, иако унгарскиот премиер инсистирал на средба сликовито да ја појасни одлуката која нема правен основ да ја појаснува.

Со ова се отвора прашањето дали Хан спаднал на толку ниски гранки да мора да одработи за премиерот Заев?