Холандската влада ќе го продолжи ноќниот полициски час воведен поради ковид 19 до 2 март, пренесува Ројтерс.

Холандската национална телевизија објави дека владата ќе одржи прес-конференција подоцна во текот на денот, на која ќе објави продолжување на ноќниот полициски час.

Полицискиот час во Холандија беше воведен на 23 јануари, првпат по Втората светска војна, а овој потег на властите доведе до неколкудневни протести и немири.

По неколкумесечни мерки за заклучување, бројот на нови случаи во Холандија започна да опаѓа, но владата предупреди дека новите видови на вирусот корона можат да доведат до нов бран на пандемии.