Русија ќе донира 1 милион американски долари на Светската здравствена организација за борба против коронавирусот, според владината одлука објавена на официјалната веб-страница.

Документот предвидува и алокација од околу 61,4 милиони рубли за финансирање на трошоците на Институтот „Вектор“ и Централниот истражувачки институт за епидемиологија вклучени во производство и испорака на лабораториски дијагностички алатки за откривање на вируси, како и обезбедување материјална и техничка поддршка за земјите од Источна Европа, Кавказ, Централна и Југоисточна Азија, Блискиот исток, Африка и Јужна Америка.

Покрај тоа, Русија ќе покрие околу 800.000 американски долари во трошок за испраќање на дијагностички алатки во голем број земји, пренесува ТАС.

Русија ќе донира 1,01 милиони американски долари на Светската здравствена организација до 2021 година, за да помогне во спроведувањето мерки со кои се зголемува обемот и квалитетот на информациите за здравствена заштита на руски јазик.

Оперативниот штаб на руската влада што се занимава со епидемијата соопшти дека во изминатите 24 часа се регистрирани 954 случаи, што вкупно изнесува 6.343. Од нив 4.484 заразени се во Москва. Досега во Русија починаа 47 лица.

Рускиот претседател Владимир Путин прогласи неработни денови за повеќето Руси до крајот на месецов за да го спречи ширењето на коронавирусот.