МОН инвестира над 50 милиони денари во уште две училишта во Ѓорче Петров, а веќе е пуштена во употреба и нова спортска сала во оваа општина.

Објавил: Владо Марин | 17 јули, 2021 10:09

Царовска: Вложуваме во квалитетни наставни програми и подобри услови во училиштата

Фото/Текст извор: ©магазин.мк

Средното училиште „Кочо Рацин“ во општина Ѓорче Петров добива нова, енергетски ефикасна фасада. Mинистерката за образование и наука Мила Царовска, заедно со градоначалникот на Град Скопје Петре Шилегов и градоначалникот на општина Ѓорче Петров Александар Наумовски вчера го посетија училиштето каде започнува целосната реконструкција, која опфаќа и реконструкција на покривот и на надворешната столарија, со поддршка на градот Скопје.

Нашите заложби како Влада се да инвестираме во современо и квалитетно образование, за што, покрај вложувањата во нови наставни програми забрзано работиме и на подобрување на условите во училиштата и унапредување на наставниот кадар. Според податоците кои ги добив, станува збор за инвестиција вредна над 52 милиони денари, без притоа Градот Скопје да се задолжува кај комерцијалните банки, туку е направена пренамена на средства од проект ‘Скопје 2014’,” рече Царовска.

Министерството за образование и наука, потенцираше министерката, ги поддржува единиците на локалната самоуправа во изнаоѓањето средства и начини за реновирање и реконструкции на образовната инфраструктура, при што потсети дека МОН има објавено Јавен повик за доставување апликации за финансирање на проекти за реновирање на училишните објекти.

МОН инвестира над 50 милиони денари во уште две училишта во Ѓорче Петров, а веќе е пуштена во употреба и нова спортска сала во оваа општина.

За оваа календарска година обезбедени се околу 1 милијарда денари за капитални инвестиции – што е за два и пол пати повеќе во споредба со минатата година. Со овие средства ќе се овозможи поквалитетен образовен процес за околу 100.000 ученици, студенти и наставен кадар. Ќе се реконструираат основни и средни училишта секаде низ државата, ќе се градат спортски сали, а ќе продолжи и реконструкцијата на студентските домови и јавните установи за високо образование.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Образование

За оваа намена се издвоени 127,5 милиони денари од буџетот на Министерството. Дополнително, како што соопшти МОН, за уште седум договори во вредност од 53,7 милиони денари, се чека банкарска гаранција.

– Поконкретно, основното училиште „Александар Турунџев“ во Кукуречани, општина Битола, со целосната реконструкција ќе добие нов изглед и одлични услови за изведување настава. Договорена е и изградба на објект за подрачното училиште во Лешница, општина Желино „Луис Ѓуракуќи“. За изведување на градежни работи за реконструкција и адаптација на објектот на основното училиште „Јосип Броз Тито“ во Жировница во општина Маврово-Ростуше се наменети 6,9 милиони денари, а реконструкцијата на фасадата и кровот како и санитарни јазли во основното училиште „Панко Брашнаров“ во Велес чинат 11,9 милиони денари, наведуваат од МОН.

Во Кочани, во основното училиште „Никола Карев“, посочија од Министерството, ќе се изврши реконструкцијата на кровот и фасадата, како и адаптација на тоалетите и изградба на пристапна рампа, додека музичкото училиште „Ристо Јуруков“ ќе добие тоалети за лица со посебни потреби а ќе биде реконструиран и кровот.

– Објектот на основното училиште „Карпош“ во Умин Дол, Куманово, ќе биде реконструиран и адаптиран, за што од буџетот на МОН се наменети 7,1 милион денари. Подобри услови за учење ќе добијат и основците од село Радибуш во општина Ранковце, каде ќе се изведе комплетна реконструкција на училишната зграда на „Х.Т. Карпош“, што не е обновена од изградбата, пред повеќе од половина век, се вели во соопштението.

Реконструкција на кров, додаваат, ќе се изврши на основното училиште „Св.Климент Охридски“ од општина Македонски Брод, а за училиштето „Симче Настовски“ од Вратница, општина Јегуновце, склучен е договор за реконструкција на кровот на стариот објект и на фасадата и котларата и на стариот и на новиот објект. Во општина Крушево, основното училиште „Никола Карев“ ќе добие реконструкција на кров и на фискултурна сала.

Реконструкција на подови, поставување на топлотна изолација на надворешна фасада, реконструкција на санитарни јазли и изградба на тоалет за лица со посебни потреби ќе се изведе во основното училиште „Димитар Поп Беровски” во општина Ѓорче Петров. Ќе се реконструира и објектот на основното училиште „Кузман Јосифовски Питу“ во општина Кисела Вода, а во општина Бутел ќе се изврши реконструкција на подот во фискултурна сала и на придружните простории во основното училиште „Живко Брајковски“.

И во средното општинско училиште во Куманово „Перо Наков“ ќе се изведе реконструкција и адаптација на столарија, термоизолација на фасада и адаптација на тоалети, за што од буџетот на МОН ќе се исплатат 10,5 милиони денари. Од Министерството велат дека ќе следи и рехабилитација на двете средни општински училишта „Јане Сандански“ од Битола и „Јовче Тесличков“ од Велес.

– Со околу една милијарда денари предвидени за капитални инвестиции во тековната 2021 година, МОН плански вложува во подобрување на условите за учење и работа на учениците и наставниците. При тоа, услов за да се добијат буџетски средства од МОН е објектот да е пристапен за лица со попреченост, или со проектот да се овозможува пристап, затоа што обезбедувањето квалитетно образование значи и обезбедување услови за инклузивно образование, се наведува во соопштението.

МОН: Над 181 милион денари за капитални инвестиции само во ноември и декември

Министерството за образование и наука (МОН) во последните два месеца инвестираше 181...

Условите, критериумите и потребните документи за остварување на правото на сместување во студентски дом се наведени во конкурсот кој е објавен на следниот линк.

Во тек е пријавувањето на бруцоши за сместување во државни студентски домови за студиската 2021/2022 година

Министерството за образование и наука ги потсетува студентите од прва година запишани...