Во непосредна близина или само на 50 метри од дискотеката Пулс во Кочани имало нелегален склад со гориво и бензиска пумпа.

„При увидот е констатирано дека постоел склад за гориво во близина на објектот. Сите други околности се испитуваат”, велат од обвинителството , а потврди и Противпожарната бригада на Кочани.

Оваа информација прв ја објави српскиот портал „Информер“ кој пишува: таа кобна ноќ можело да биде кренат во воздух целиот град Кочани.

Сопственикот на дискотеката има затрупан резервоар за нафта на околу 50 метри, а само по среќа не се крена во воздух цело Кочани, велат мештаните-очевидци кои го покажаа и местото на наводно нелегално складиштеното гориво.