Антикорупциска ја донела одлуката без да му овозможи на Иванов да изложи своја одбрана

Објавил: Перо Милчин | 22 септември, 2019 17:28

ЧЕСНОСТА ПОБЕДУВА: Ѓорге Иванов ја доби Антикорупциска на Управен суд!

Фото/Текст извор: ©магазин.мк

Поранешниот претседател, Ѓорге Иванов, ја доби тужбата пред Управен суд против Комисијата за спречување на корупција, која отвори прекрошна постапка против него за унапредувањето на генерали пред претседателските избори.

Трите управни судијки Лидија Ивановска, Тања Терзиева и Едита Насковска му ја уважија тужбата на експретседателот на државата, Ѓорге Иванов, за пријавата на Антикорупциската комисија во врска со унапредувањето на армиските генерали за време на изборите, објави А1он.

Иванов преку aдвокатското друштво Лазов и Бадева, поднел тужба на решението на Државната комисија за спречување на корупцијата, а судот го поништил решението на антикорупционерите. Причина за поништувањето на решението на ДКСК е тоа што немало докази дека за време на избори на унапредените генерали им биле исплатени повисоки примања и поради фактот што Иванов немал можност да се брани во контрадикторна постапка, а не му било доставено решението, туку само објавено на веб-страницата на комисијата.

„Судот не можеше да утврди дали тужениот орган прибавил докази дека дошло до исплата на повисоки плати, во смисла на одредбата од член 34 од Законот, и истите да се цитирааат во оспорената одлука. Врз основа на утврдување на овој факт ќе се утврди дали постои индиција на прекршување на одредбите на Изборниот законик“, пишува во пресудата.

Сега Антикорупциска во повторна постапка треба да го повика Иванов и да ги испита тужбените наводи преку примена на принципот на контрадикторност.

„Судот утврди дека тужениот орган при водење на постапката не го почитувал Законот за спречување на корупцијата и судирот на интереси и не го повикал тужителот на денот на одржувањето на јавната седница, со што го повредил начелото на еднаквост во постапката, и му го ускратил правото да ги изнесе аргументите поткрепени со факти и докази“, стои во образложението на пресудата.

Антикорупциската комисија поднесе прекршочни пријави против претседателот Ѓорге Иванов за указите од 25 февруари, со кои, тој го унапреди началникот на Генераштабот на АРМ, Васко Ѓурчиновски, во чин генерал-потполковник и изврши промена на три командни генералски места во АРМ.

Со новите укази претседателот Стево Пендаровски тројца вработени во Армијата ги разреши од позициите на кои ги постави Иванов, а на двајца им ги потврди позициите.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Време

Ќе дува умерен, повремено засилен ветер, во западните делови од западен, а вдолж Повардарието од југоисточен правец.

Дожд, грмежи и силен ветер- од вторник намалување на температурите!

Во текот на денешното попладне се очекува нова локална дестабилизација на атмосферата....