Повторна партизација на безбедносните служби

Објавил: Узунов Бобан | 12 јуни, 2019 12:03

“Човек на Бранко Црвенковски” ќе ја води “департизираната” Агенција за национална безбедност !?

Фото/Текст извор: ©магазин

Димовски е кадар на СДСМ, а неговото име се поврзува со повеќе скандали, особено додека тој е началник на полицијата во Битола, од 1992 до 1996 година. Тогаш за него опозицијата обвинуваше дека токму во тој период во Битола се случиле најголемите скандали поврзани со приватизација, криминал и инциденти.

Од 2007 до 2009-та година, Виктор Димовски е прв човек на Агенцијата за разузнавање по одлука на тогашниот претседател Бранко Црвеновски, а претходно и амбасадор во Србија и Црна Гора и во Израел исто така по негов предлог.

Своевремено Виктор  Димовски беше обвинуван за непреземање ништо за да ја спречи и милионската афера ТАТ,  случај во кој настрадаа илјадници штедачи. Исто така, во периодот додека тој е началник на полицијата во Битола, на фудбалски натпревар помеѓу Пелистер и Вардар во 1993 година, полицијата брутално претепа над 100 граѓани.

 


Уште кога надлежните ја образложуваа потребата од создавање на една ваква Агенција, беше посочено дека целта е да се направи една деполитизирана, департизирана Агенција во функција на заштита на државата и нејзините граѓани.

Но, неминовно е прашањето за каква деполитизација и департизација станува збор, кога директорот го назначува Владата и тој според „наши“ стандарди, секогаш ќе биде партиски кадар, како што всушност е и случајот со Димовски?


Агенција за национална безбедност, ќе функционра како владина агенција и директорот ќе се именува од Владата, на предлог на премиерот, со мандат од пет години и право на уште еден резибор. Нејзините вработени нема да имаат полициски овластувања.

Формирањето на оваа Агенција е дел од процесот на реформирање на безбедно-разузнавачките служби. Идејата е УБК да се извади надвор од МВР, со што би се ставило крај на тајната полиција во земјава и да се направи деконцентрација на моќта во оваа сфера.

Фокусот на работата на оваа Агенција е контраразузнавање, контратероризмот и заштита на уставното уредување и повисоките форми на организиран криминал, пред сѐ корупцијата на носителите на јавни функции.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Актуелно