Шумската мафија ги пустоши шумите, надлежните во акција

Фото/Текст извор: ©magazin.mk

Заменик директорот на Национални шуми, Кире Михаилов објави видео од потргата по дрвократци од посетата на Скопска Црна Гора и порача дека и покрај тоа што поднеле бројни пријави против кратците, кои се враќаат и продолжуваат со крадење дрва и они нема да се откажат и дека ќе продолжат да ги фаќаат со цел да го спречат пустошењето на планините.

– Голема заедничка акција на Скопска Црна Гора на ЈП “Македонски Шуми”, шумската полиција и “Македонија Пат”.

Веќе неколку месеци, нашите служби овде, заеднички со шумската полиција, секојдневно се борат со шумската мафија.

Но, и покрај тоа што сторителите многу добро ги знаеме и истите многупати ги имаме фаќано и им имаме поднесено по десетици пријави, судот не наоѓа начин трајно да ги осуди, т.е. отстрани туку повторно и повторно се оставени да пустошат по планинитеЗа да го спречиме пустошењето на шумите, а со тоа и,загадувањето на Скопје, ќе ги преземеме сите неопходни дејства со сите институции во насока на целосно отстранување на ваквите проблеми – напиша Михаилов во објавата на видеото.

Тој укажа дека со оваа акција не се надмината проблемите, „но, ова е показател дека по ниту еден основ нема да отстапиме од борбата со шумската мафија“.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.